طُلَّ يا رَأسي عَلَى صُفرِ المَحَانِي .. وَالعُلُوم الطَّيِّبَة وَالهَيلَمَان وَاسرِ يَا الهَاجُوس مَسرَات العُمَانِي .. ذِي صَدَى الشُّكمَان كَأَنَّه فَرخ جَان قَرِّبُوا سَيفِي وَهَاتُوا لِي حِصَانِي .. لَعَن أَبُو مَن عَاش فِي الدُّنيَا جَبَان سَيِّدِي لَبَّيه يَا دَاعِي دَعَانِي .. تَحت أَمرَك سَيِّدِي جَيش وَلِجَان وَالله أَنِّي حَيدَرِي فَارِس يَمَانِي .. يَشتَعِل دَمُّه عَلَى قُبعَة الأَمَان لَا تَرَاجَعت ادفُنُونِي فِي مَكَانِي .. مَا يَعِيش الحُر وَالخَاطِر مَلَان دَام وَالرَّحمَن هُوَ حَسبِي كَفَانِي .. وَالله يَا سَلمَان مَا تِدِّي بَنَان بَانُوَاصِل فِي سَبِيلُه لَو نُعَانِي .. مَا مَع رَبِّي خَسَارَة يَا زَمَان لَابَتِي الأَنصَار مَزيَن كُلّ جَانِي .. مَا تَحِنّ الرُّؤُوس فِي يَوم الطِّعَان مِن مَهَابَتَهُم يَسِير الفَسل سَانِي .. أَشهَد أَنَّهُم مَحزَمِي كَم مِن فُلَان ذِي تَصَاغَرنَا رِجِع مِنَّا يُعَانِي .. وَالمُنَافِق قَد وَضَح كِذبُه وَبَان عُوقُبَا لِلخَلف يَا الحِلف الجَبَانِي .. يَا عَبِيد الغَرب وَكِلَاب الكِيَان وَالقَسَم بِالله مَا أَوقَف ثَوَانِي .. عَاد دُونَ العِزّ بِيض الهِندُوَان قَرِّبُوا سَيفِي وَهَاتُوا لِي حِصَانِي .. لَعَن أَبُو مَن عَاش فِي الدُّنيَا جَبَان شَبّ فِي شَبوَة نَكَف ضِدّ الشَّوَانِي .. وَالمَسَارَات التَقَت وَسط المَكَان وَالنَّصر مِن مَأرِب التَّارِيخ بَانِي .. وَاعتَلَى ضَوحُه مَع صَوت الأَذَان يَا إِمَارَات آل نَاقِص وَآل دَانِي .. الزَّمَن دَوَّار وَالجَانِي يُدَان بَا نِقَاضِيه المَوَانِئ بِالمَوَانِي .. وَالجُرُوح قِصَاص وَالله مُستَعَان