أنا عارفك أنا فاهمك

آه آه آه ... آه آه أنا مش ضعيفْ ولا قدّيسْ ولا زاهِدْ عشان أرضيكي ولا أسيرْ في سِجنِكْ حَبيسْ خايف من غَدرْ الزَّمَن فيكي (آه-آه-آه) أنا بس راضي .... إنسان عادي ببان هادي .... بس من بَرَّه ورغمْ الآلام .... بعدي في الأيام بعيشْ في سَلام .... مع نفسي من جُوّه مش فارقة عندي قَسوة الأيام ..ولا فارقة عندي رصيدي فيكي كام أنا بس حِلمي أعيشْ مع حالي وتمرّ أيّامي معاكي في سَلام ........ أنا مِش روبوتْ ... متبرمَجْ هتحرِّكيه حَسَبْ ظُروفِكْ ولا دُمية بتِتحرّكْ ... بإشارة مِن إيدِيك أو سَيفِكْ ولا أراجوزْ بيترقَّص ... على عَزفِكْ وعلى كِيفِكْ..... أنا إنسانْ .... لا أنا عاجزْ ولا حتى جبانْ ولا خايفْ من اللي جاي ولا اللي كانْ ولا مخدوعْ بغِشِّكْ وتدليسِكْ ولا عاجزْ أتخطّى تعجيزِكْ ولا موهومْ مستنّي شيء فيكي ولا مسحورْ بسِحرِكْ وتزييفِكْ .... ...... حبسَاني جُوّاكي في سِيناريو مِن إخراجِكْ .... دُوري فيكي بَسيطْ ... وحَظّي خارِجْ حِساباتِكْ ..... مَشلولْ .. متْكَّتِفْ عايزاني أستسلِمْ ... مَنعاني أتقدَّمْ ... أو حتّى أخطِّي خَطوة واحْدة قُدّامْ ... .. فَرحانة بِنَصرِكْ .. بِتْزيدي عَلَيّا في حِصارِكْ ... بِتِقْلي بِأصْلِكْ .. عايزاني أعيشْ على كِيفِكْ وَاخْتِيارِكْ ....... ....... أنا عارفِكْ .... أنا فاهمِكْ وياما شِربتْ من وَهمِكْ وعِشتْ أستنى يومْ توفي لو مرّة يا دُنيا معايا بعهدِكْ ما تِستغبيشْ .... وتعيشي دور الغَبيّة وتقسِي بظروفِكْ يا دُنيا عليّا ... وتعملي نفسكْ .. مش واخدة بالكْ وتقفلي ... كلّ البيبانْ .... ....... حواليّا أنا عارفِكْ .... أنا فاهمِكْ ..وياما شِربتْ من وَهمِكْ وعِشتْ أستنى .. يومْ توفي لو مرّة يا دُنيا ... .... معايا بعهدِكْ فُكّينا .... من وَهمِكْ الفاضي وسيبيـني أعيشْ .... بتعاندي ليه قصادي مش عايز مُلكِكْ .... ولا حتى سُلطانِكْ ........ عايشْ في ضلِّكْ ....وبحالي أنا راضي عزيزْ النفس .... مرفوعْ الراسْ راضي بنصيبي .... مستغني عن الناسْ ...... أنا مش ضعيفْ .... ولا قدّيسْ ولا زاهِدْ .... عشان أرضيكي ولا أسيرْ .... في سِجنِكْ حَبيسْ خايفْ من غَدرْ الزَّمَن فيكي أنا بس راضي .... إنسانْ عادي ببان هادي .... بس من برّه ورغمْ الآلام .... بعدي في الأيام بعيشْ في سَلام .... مع نفسي من جُوّه مش فارقة عندي قَسوة الأيام ولا فارقة عندي رصيدي فيكي كام أنا بس حِلمي أعيشْ مع حالي وتمرّ أيّامي معاكي في سَلام